جلوگیری از قاچاق دو تُن مواد مخدر در مرز افغانستان و تاجیکستان
نیروهای سرحدی تاجیکستان اعلام کردند که در سال ۲۰۱۷ از قاچاق دو تُن مواد مخدر در مرز افغانستان و تاجیکستان، جلوگیری شده است.
محمد اولوغ خواجهاف، سخنگوی نیروی سرحدی تاجیکستان گفته است که در این سال دستکم ۱۸ قاچاقبر مواد مخدر نیز از سوی مرزبانان این کشور کشته شدهاند.
به گفته او، در این سال همچنان ۳۱ درگیری میان مرزبانان تاجیکستانی و قاچاقچیان مواد مخدر رخ داده است.
همچنان گزارش شده که در سال ۲۰۱۷ حدود ۲۰ قاچاقبر مواد مخدر از سوی مرزبانان تاجیکستان بازداشت شدهاند.
این درحالی است که پیشتر بر اثر درگیری میان مرزبانان تاجیکستانی و قاچاقبران مواد مخدر، چند مرزبان این کشور کشته شدند.
درپی آن دولت تاجیکستان تمام مرزهای خود را بهروی افغانستان مسدود کرد، اما پس از گفتوگوی مقامات دو کشور دوباره بازگشایی شد.
بر اساس آمارها، در سال روان از قاچاق ۲۷٫۳ کیلوگرم هروئین، ۴۵۵٫۶ کیلوگرم تریاک و ۸۶۵٫۷ کیلوگرم حشیش به تاجیکستان جلوگیری شده است.
همچنان مرزبانان تاجیکستانی ۲۵ اسلحه کوچک، حدود ۶۰۵ گلوله، ۹ نارنجک دستی و حدود ۴۰ قطعه مهمات را ضبط و مصادره کردهاند.