رییس جمهور غنی صبح امروز عازم ترکمنستان شد
محمداشرف غنی، رییس جمهور کشور در رأس یک هیئت بلندپایۀ دولتی برای سفر رسمی یکروزه، صبح امروز عازم عشقآباد پایتخت ترکمنستان شده است.
ریاست جمهوری با نشر خبرنامهی اعلام کرد، وی ضمن ملاقاتهای جداگانه با قربانقلی بردی محمدوف رییسجمهور ترکمنستان و امامعلی رحمان رئیسجمهوری تاجکستان، در مراسم رسمی افتتاح مسابقات آسیایی اشتراک خواهد کرد.
وی را در این سفر، صلاحالدین ربانی وزیر خارجه، محمدحنیف اتمر مشاور امنیت ملی، اکلیل حکیمی وزیر مالیه، محمدشاکر کارگر نمایندۀ خاص رئیسجمهور در امور کشورهای آسیای میانه و محمدهارون چخانسوری معاون ارتباطات استراتژیک و رسانههای ریاست جمهوری همراهی می کنند.