وزارت صحت عامه: مقرره اخذ فیس معالجه در مراکز صحی دولتی نهایی شده است

فیروز الدین فیروز، وزیر صحت عامه کشور اعلام کرده است که مقرره اخذ فیس معالجه در مراکز صحی دولتی نهایی شده است.

blank

آقای فیروز در صفحه رسمی فیس بوک خود نوشته است “که مقرره اخذ فیس در مراکز صحی دولتی از سوی کابینه دولت جمهوری افغانستان نهایی شده است که این یک کار اصلی و اساسی برای سکتور صحت است.”

پس از تایید این مقرره، مراجعین در مراکز صحی دولتی باید فیس پرداخت نمایند،‌ در حالیکه پیش از این تداوی در مراکز صحی دولتی رایگان بود و از مراجعین فیس اخذ نمی‎گردید.

آقای فیروز جزئیات بیشتری در این مورد ارایه نکرده است.

وزیر صحت عامه در حالی از نهایی شدن این طرح خبر می‌دهد که شهروندان کشور از ارائه خدمات صحی در شفاخانه‌های دولتی ناراض اند و برای تداوی بیماران شان پول‌های گزاف را در شفاخانه‌های شخصی داخلی و خارجی مصرف می‌کنند.

مطالب مرتبط