یک پُل ارتباطی جدید میان افغانستان و تاجیکستان احداث می‌شود

مقامات تاجیکستان و اتحادیه اروپا، توافقنامه‌ای را به منظور احداث یک پُل ارتباطی جدید میان افغانستان و تاجیکستان به امضا رسانده‌اند.

blank

قرار است که این پول ارتباطی با هزینه حدود ۱۶ میلیون یورو، به طول ۱۸۰ متر احداث شود.

این پُل ارتباطی و همچنان یک بازارچه، میان دو ولایت مرزی ختلان تاجیکستان و بدخشان افغانستان، احداث می‌شود.

توافقنامه احداث این پُل در سفر استفان مانسیریس، رییس کمیسیون اتحادیه اروپا در امور همکاری بین‌المللی به تاجکستان، امضا شده است.

او گفته است که در نظر داریم تجربه کشورهای اروپا جهت رفت‌وآمد باشندگان بدون مرز را در آسیای مرکزی به راه اندازیم.

مانسیریس افزوده که چنین طرح‌ها در کاهش افراط‌‌گرایی، تأمین امنیت و افزایش سطح زندگی مردم دو کشور کمک می‌کند.

افغانستان و تاجیکستان دارایی مرز مشترک می‌باشد که در حال حاضر هفت پُل ارتباطی دیگر میان دو کشور احداث شده‌اند.

گفتنی است که در سالهای اخیر روابط تجاری افغانستان و تاجیکستان، افزایش یافته و به بیش از صد میلیون دالر رسیده است.

مطالب مرتبط