دوازه وبسایت دولتی افغانستان هک شده‌اند
گروهی از هکرها به نام «گوست اسکواد هکر» ادعا نموده است ک 12 سایت دولتی افغانستان را هک کرده است.
به نقل از خبرگزاری تسنیم، یک گروهی از هکر ها با استفاده از نقاط ضعف سرورها، داخل سایت‌های دولتی افغانستان شده و پیام‌های ضد دولتی را در داخل این سایت‌ها به نشر رسانده است.
گفته شده که گروه گوست اسکواد هکر وب‌سایت‌های وزارت عدلیه، وزارت دفاع، وزارت امور خارجه، وزارت امور مهاجرین و لوی سارنوالی را هک کرده است.
همچنان این گروه داخل وب سایت‌های وزارت ترانسپورت و هوانوری، شرکت افغان کارت، خط آهن افغانستان، اداره عمومی جئودیزی و کارتوگرافی و والی بلخ شده و تغییراتی را انجام داده و پیام‌های ضد دولتی را گذاشته است.
تاکنون وزارت مخابرات و مقام‌های حکومت افغانستان در مورد این خبر چیزی نگفته اند.
