تاریخ نشر: اسد ۲۱, ۱۳۹۵
افغانستان / خبرها / ویژه ها | نویسنده/ تهیه کننده: خبرگزاری افق

همکاری بیشتر افغانستان و تاجیکستان در مبارزه با تروریزم

محمد حنیف اتمر، مشاور شورای امنیت ملی افغانستان روز چهارشنبه به تاجیکستان رفت و با امام علی رحمان رییس جمهوری این کشور دیدار کرد.

در این دیدار دو طرف روی مبارزه مشترک با تروریزم و افراط‌گرایی، قاچاق مواد مخدر و مراقبت از مرزهای دو کشور، صحبت کردند.

160810173054_afghanistan_atmar_tajikistan_trip_rahman_640x360_tajikistanpresidentialsite

سایت ریاست جمهوری تاجیکستان گزارش داده که در این دیدار، آقای رحمان گفته است:« اصل همسایگی محک مناسبی برای همسایگی نیک دو کشور است.هم‌کاری با افغانستان در فهرست اولویت‌های سیاست خارجی تاجیکستان قرار دارد.»

حنیف اتمر پیش از رفتن به تاجیکستان به ایران نیز سفر کرده بود و سفرهای دوره ای او به کشورهای منطقه ای در حالی صورت می گیرد که دامنه نا امنی ها در مناطق مختلف افغانستان روبه افزایش است.

مشاور امنیت ملی رئیس جمهوری افغانستان در راس هیاتی با هدف دیدار و ملاقات با رئیس جمهوری و مقامهای امنیتی و پلیس و مرزبانی تاجیکستان وارد این کشور شد.

او همچنین با مقامهای شورای امنیت ملی و کمیته دولتی امنیت ملی تاجیکستان در باره مسایل مورد نگرانی هردو کشور دیدار و ملاقات کرده است.

همکاری بیشتر افغانستان و تاجیکستان در مبارزه با تروریزم

همکاری بیشتر افغانستان و تاجیکستان در مبارزه با تروریزم