تاریخ نشر: حوت ۲۵, ۱۳۹۲
افغانستان / خبرها | نویسنده/ تهیه کننده: خبرگزاری افق

پنجمین تفاهمنامه همکاریهای افغانستان و تاجیکستان امضا شد

 افغانستان و تاجیکستان پنجمین تفاهمنامه اقتصادی دو کشور را در عرصه های مختلف اقتصادی، تجاری و بهداشتی به امضا رساندند.

به گزارش افق، دفتر ریاست جمهوری افغانستان روز یکشنبه اعلام کرد که در سفر هیات اعزامی افغانستان به تاجیکستان پنجمین تفاهنمامه همکاری های اقتصادی کابل – دوشنبه در زمینه های اقتصادی و تجاری، گمرکات، بیمه، معارف و تحصیلات عالی، معادن، حمل و نقل، زراعت، فرهنگ، جوانان، توریسم و بهداشت به امضا رسید.

دولت افغانستان ابراز اطمینان کرد با امضای این تفاهمنامه ها روابط کابل – دوشنبه بیش از پیش نزدیک خواهد شد.

پنج تفاهمنامه همه جانبه اقتصادی و تجاری شرایط را برای همکاری های تجار و بازرگانان دو کشور فراهم کرده است و مقامات دو کشور همواره به لزوم گسترش همه جانبه کابل – دوشنبه تاکید کرده اند.

ˈعبدالهادی ارغندیوالˈ وزیر اقتصاد افغانستان که ریاست هیات اعزامی افغان به تاجیکستان را بر عهده داشت در این سفر با علی رحمان رییس جمهور تاجیکستان نیز دیدار و بر لزوم توسعه همکاری های اقتصادی، اجتماعی و فرهنگی دو کشور تاکید کرد.

ششمین نشست مشترک دو کشور برای گسترش همکاری های اقتصادی٬ اجتماعی سال 2015 در کابل برگزار خواهد شد.

پنجمین تفاهمنامه همکاریهای افغانستان و تاجیکستان امضا شد

پنجمین تفاهمنامه همکاریهای افغانستان و تاجیکستان امضا شد