دو کارگر جاده سازی تاجیکستان در نزدیکی مرز با افغانستان ربوده شدند

مقام‌های تاجیکستانی می‌گویند دو کارکر جاده سازی این کشور در قلمرو آن کشور در نزدیکی مرز افغانستان توسط افراد مسلح ربوده شدند.

خبرگزاری رویترز به نقل از مقام‌های تاجیکستانی گزارش داده است که دو کارگر جاده سازی روز گذشته توسط افراد مسلح که از قلمرو افغانستان وارد آن کشور شده بودند ربوده شدند و یک گارگر در درگیر با این افراد زخمی شده‌ است.

منابع تاجیکستان گفته اند این افراد در ولسوالی شورآباد ولایت ختلان آن کشور مصروف کار جاده سازی بوده‌اند.

در این مورد امام علی رحمانُف رییس جمهور تاجیکستان گفته است از هرگونه اقدام برای رهایی این کارگران گار گرفته می شود.

این درحالی است که چند هفته پیش میان افراد مسلح شورشی و نظامیان تاجیکستانی درگیری صورت گرفته بود. این درگیری زمانی صورت گرفت که یک شورشی از خاک افغانستان می‌خواسته به قلمرو تاجیکستان برود به دنبال آن میان نظامیان آن کشور و شورشیان درگیری صورت می‌گیرد و در نتیجه یک شورشی و یک سرباز تاجیکستانی به قتل می‌رسند.

مقام‌های نظامی در شمال کشور بارها اعلام کرده اند که شورشیان از کشورهای خارجی از جمله تاجیکستان در صف طالبان در شمال افغانستان وجود دارند.