رییس اجرایی، وارد چین شد

داکتر عبدالله عبدالله، رییس اجرایی دولت نیمه‌های شب گذشته در راس هیات بلند پایه‌ی دولتی وارد چین شده است.

او قرار است در چهاردمین اجلاس سران کشورهای عضو سازمان همکاری‌ شانگ‌های اشتراک کند.

گزارش شده که روسیه، چین، ازبکستان، قزاقستان، تاجیکستان و قرقیزستان اعضای دایم این سازمان هستند و هند، ایران، پاکستان، مغولستان، ترکمنستان و افغانستان به شکل ناظر در این نشست شرکت می‌کنند.

مجیب‌الرحمن رحیمی، سخنگوی ریاست اجرایی گفته است که قرار است عبدالله عبدالله، رییس اجرایی دولت وحدت ملی افغانستان در نشست عمومی این اجلاس به نمایندگی از کابل سخنرانی کند و از کشورهای عضو برای استقرار صلح و ثبات در افغانستان و مبارزه با تروریزم خواهان کمک شود.

قرار است عبدالله در این نشست با نخست‌وزیران چین، روسیه٬‌ تاجیکستان٬ قرقیزستان و قزاقستان به صورت دوجانبه ملاقات کند.